Month: September 2021

Gizardatzen Zuzendaritza Batzorde berria erakundeei aurkezteko dinamikarekin jarraituz, irailaren 16an Sergio Murillo BFAko Gizarte Ekintzako diputatuarekin eta Maite Iturrate Haurrak saileko zuzendariarekin bildu ginen. Haiekin batera Gizardatzeko erakundeek sailarekin duten harremanean funtsezkotzat identifikatzen diren kontuetako batzuk aztertu genituen, baita sektore gisa egin beharreko hausnarketarako hainbat gai ere.

Saioari amaiera eman zitzaion elkarrekiko lankidetza eta harremanetarako konpromisoarekin, negoziazio kolektiboari begira.

Joan den irailaren 9an erakunde-jarduerari ekin genion berriro, udararen ostean, eta Juan Ibarretxe Bilboko Udaleko Gizarte Kontuetako zinegotziarekin eta Concha Claver zuzendariarekin bildu ginen. Bileran, Gizardatzen Batzorde berria aurkezteaz gain, Bizkaiko Esku Hartze Sozialaren VI. Hitzarmenaren negoziazio kolektiborako aurreikuspenak azaldu ziren, baita sailaren titulartasuneko zerbitzuen kudeaketarekin lotutako kontu interesgarri nagusiak ere.

Gizardatz erakundeak, Kiribil Sarearen proposamenari jarraikiz, kontratazio publikoan soldata kostuak kalkulatzeko gida bat egin du, botere esleitzaileetako kontratazio-sailek euskarri gisa erabiltzeko lizitazioak prestatzerako orduan.

Laster hedatuko dugu administrazio publikoen artean, eta erakundeei ere bidaliko dizuegu, Gizardatzen abalarekin erabili ahal izan dezazuen lizitazioetan.