5jzvpa – Gizardatz

EKARPENAK GIZARTERATZE ARLOAN ESPEZIALIZATUTAKO PROZEDUREI LAGUNTZA EMATEKO GFAren PRESTAZIO EKONOMIKOARI

July 26, 2022July 22, 2022 by 5jzvpa

Gizardatzek eta EAPN Euskadik baterako lan prozesua garatu dute GFAren Gizarteratze Sailaren gonbidapenari erantzuteko eta gizarteratze arloan espezializatutako prozedurei laguntzeko prestazio ekonomikoen Dekretu arautzailearen zirriborroari ekarpenak egiteko.

Prestazio berriaren balorazio orokorra oso baikorra zen. Aipagarria da, bereziki, prestazioari berme eraginkorraren esparru zabalagoa ematen diola AEIS gizarteratzeko laguntza berezien aurreko araudiarekin alderatuta. Prestaziorako sarbidearen irizpideak hartzaileen errealitatera egokituko dira, eta koherentzia ematen du erregulazio berriaren eta abenduaren 5eko Gizarte Zerbitzuei buruzko 12/2008 Legearen eta urriaren 6ko Gizarte Zerbitzuen Euskal Sistemaren prestazio eta zerbitzuen zorroari buruzko 185/2015 Dekretuaren artean; martxoaren 22ko 60/2011 Foru Dekretuan jasotako erregulazioa gainditzen du, zaharkituta geratu zelako.

Gogoeta horiek eta erakundeek identifikatu zituzten ekarpenak Gizarteratze Sailari helarazi zitzaizkion joan den uztailaren 20an bi sareok izan genuen bileran.

GIZARDATZEN PARTE HARTZEA EUSKO JAURLARITZAKO HERRI ITUNA EKITALDIAN, BERDINTASUNAREN ALDE ETA INDARKERIA MATXISTAREN AURKA

June 27, 2022 by 5jzvpa

Gizardatz, indarkeria matxistaren aurkako taldeak, ekainaren 15ean antolatutako Berdintasunaren eta indarkeriarik gabeko bizitzen aldeko herri ituneko aurkezpen ekitaldian parte hartu zuen. Garazi Lartuondok, Gizardatzeko ordezkariak, hain zuzen ere, Ituneko emakumeen aurkako indarkeria matxistako atalaren jendaurreko irakurketan parte hartu zuen.

Ekitaldian, Iñigo Urkullu lehendakariaz eta beste instituzioetako hainbat ordezkariez gain, gure lan-taldearekin batera Emakundek sustatuko berdintasunaren foroko prozesuan lan egin duten erakunde eta taldeek ere parte hartu dute.

GIZARDATZEKO OHIKO BATZARRA

June 27, 2022 by 5jzvpa

Joan den ekainaren 21ean, Gizardatzeko entitateen urteko ohiko batzarra egin zen. Bertan, 2021eko memoria eta kontuak eta 2022ko lan plana onesteaz gain, 2022-2024 urteetarako plan estrategikoaren eguneratze-proposamena ere aurkeztu zen.

Bilera modu mistoan egin zen (aurrez aurre eta online), 29 entitatek parte hartu zuten, sareak herri-administrazioetan duen zeregina aztertu zen eta bi entitate berri sartzea berretsi zen. Ongi etorriak, EUDES Fundazioa eta BIDESARI Elkartea!

¡Bien venidxs!

Gizartegune: “Indarkeria matxistatik bizirik atera direnentzako gizarte-arreta espezializatua”

May 23, 2022 by 5jzvpa

Gizardatzek parte hartu du maiatzaren 19ko “Indarkeria matxistatik bizirik atera direnentzako gizarte-arreta espezializatua” Gizartegunean. Bertan, Enplegu, Gizarteratze eta Berdintasun Sailak genero indarkeriaren biktima den emakumeari arreta emateko eredu berri baterako igarotzea aurkeztu du.

Halaber, proposamen berriaren esparru teorikoa azaldu da; izan ere, filosofia eta metodologia espezifikoak gehitzen ditu eta emakumearen aurkako indarkeriaren biktimen babes faltan oinarritzen ditu ahaleginak. Ere berean, babes falta baloratzeko tresnaren prototipoa eta orain dela gutxi martxan jarritako esperientzia desberdinak gehitzen ditu.

Gizardatzen indarkeria matxistatik bizirik atera diren emakumeen arreta-taldeak eredu berria eraikitzeko hausnarketa prozesuan parte hartu zuen, ekarpenen bidez, eta plana ezartzean jarraipen-lana egitea aurreikusten da.

BORDELEKO UDALEKO ORDEZKARITZAK BILBOKO HARROBI PLAZA 4 ERAIKINA BISITATZEA

April 25, 2022 by 5jzvpa

Bilboko Udalari egindako bisitaren esparruan, Bordeleko Udaleko zinegotzien ordezkaritza ezagutu dugu. Harrobi plaza 4 eraikinean espazioa partekatzen dugun sareen jarduera jakin nahi izan du.

Topaketan Bordeleko zinegotziekin sareek egiten duten lana bateratu dugu, eta sor daitezkeen topaketa edo lankidetzekiko harremana erraztu da.

GIZARTE-ZERBITZUETAKO UDAL-KONTSEILUA

April 25, 2022 by 5jzvpa

Pandemian jarduera eten ondoren, pasa den apirilaren 8an berriz bildu zen Bilboko Udaleko Gizarte Zerbitzuetako Udal Kontseiluaren osoko bilkura, eta Gizardatzek parte hartu zuen. Gizarte Zerbitzuetako Arloak pandemian eta 2021. urtean egindako ekintzei eta lan-batzordeei buruzko informazioa eman zuen.

BIZKAIKO ESKU-HARTZE SOZIALAREN SEKTOREKO VI. HITZARMENAREN NEGOZIAZIOA

April 25, 2022 by 5jzvpa

Joan den apirilaren 1ean Bizkaiko Esku-hartze Sozialaren Sektoreko VI. Hitzarmena negoziatzeko bilera egin zen. Bost negoziazio-plataforma daude, eta eduki desberdinak aztertuko dituzte, beraz, horiek abiapuntutzat hartuta, negoziazioari modu ezin hobean nola aurre egin eztabaidatu ostean, blokeka negoziatzen hastea erabaki da. Lehenik eta behin, erreformaren aurkako klausulak landuko dituzte, gero honako arlo hauekin jarraitzeko: laneko segurtasuna eta osasuna, kontziliazioa, berdintasuna eta lanbide-sailkapena.

Maiatzaren 3an egingo da hurrengo bilera. Egun horretan lehenengo blokea negoziatzen hasiko da, ELA eta LABek egin eta ESK sindikatuek sinatutako agiria oinarritzat hartuta.

GIZARDATZEN NORTASUNA, MISIOA ETA BALIOAK BIRDEFINITZEKO PROZESUA

March 31, 2022March 30, 2022 by 5jzvpa

Martxoaren 4an Gizardatzek sarearen nortasuna, misioa eta balioak birdefinitzeko prozesua abiatu zuen. Helburu horrekin Gizardatzeko Zuzendaritza Batzordea Harrobi plazako bulegoetan bildu zen eta gai hori landu zen hainbat dinamikaren bidez.

Helburua zen Gizardazten iraganari, orainari eta etorkizunari begira jartzeko gogoeta-gunea sortzea, nondik gatozen, non gauden eta norantz joan nahi dugun. Helburu ditugun eragile eta kolektiboei buruzko gogoeta ere egin genuen, zuzenak zein zeharkakoak. Kasu honetan bi galdera erantzuten saiatu ginen: nola identifikatzen gaituzte sarea garen heinean, nola nahi dugu identifika gaitzaten sarea garen heinean.

Egun hartako ondoriorik nagusienetakoa izan zen nortasuna eta sarearen lana bi ikuspegitatik indartzeko beharra: barrutik eta kanpotik.

Aurrera begira ere birdefinitze-prozesu honekin jarraituko dugu. Zehazten dugunean eta Gizardatzek onartzen duenean, datozen urteetako bidea erakutsiko digu.

BIZKAIKO ELKARRIZKETA ZIBILERAKO MAHAIAREN OSOKO BILKURA

March 31, 2022March 30, 2022 by 5jzvpa

Pasa den otsailaren 24an Bizkaiko Elkarrizketa Zibilerako Mahaiaren Osoko Bilkura Instituzionala egin zen. Bertan egon ziren Unai Rementeria ahaldun nagusia, Sergio Murillo Gizarte Ekintzako foru-diputatua eta Teresa Laespada Enplegua, Gizarte Inklusioa eta Berdintasuna sustatzeko foru-diputatua.

Osoko Bilkura horretan Gizardatz mahaiaren batzorde iraunkorrean sartzea berronetsi zen, eta presidenteorde kargua onetsi. EAPNko Itxaso Bilbaok hartu zuen.

Halaber, adostu zen mahaiaren 2022ko lana hiru lantaldetan banatzea EZM osatzen duten sareek aukeratutako gaien arabera. Datorren apirilean hasiko da.

BIZKAIKO ESKU-HARTZE SOZIALEKO VI. HITZARMENAREN NEGOZIAZIOA

March 31, 2022March 30, 2022 by 5jzvpa

Bizkaiko esku-hartze sozialeko VI. hitzarmena negoziatzeko beste bilera bat egin da. Sindikatu bakoitzak ekarritako plataformen alde hitz egin da, eta garbi geratu da proposamenen aniztasunak zer nolako zailtasunak sortzen dituen aurkeztu diren gaiei buruzko negoziazio esparru eraginkorra adostera begira.

Negoziazioak aurrera egin dezala errazte aldera Gizardatzek eta Geroanek alde sozialari proposatu diote negoziazioak hasteko lehentasuna izan dezaketen gaien aurre-hautaketa bat egiteko. Sindikatuek ezetz esan dute.

Hurrengo bileran, apirilaren 1ean, gai hauei guztiei heldu ahal izateko metodologia eta sistematizazioa adostuko dira.